ოცნებამ 50 პროცენტი ხო აქამდეც არ მქონდაო, ამიტომ 43 მოვიგონეო, მაგრამ ეხლა 43-ც აღარ მაქვს და საერთოდ ხალხის მხარდაჭერა არ მაქვსო, მაგრამ კაბინეტში ჯდომა მაინც მინდაო. ვერ მოგართმევთ!
დღეს იყო მარცხის აღიარება. არალეგიტიმურები და თავხედები რომ არიან დღეს არ გამიგია.ოცნება რომ გადამგდებია, ახალი არ არის. შარლ მიშელის დოკუმენტს ერთი დღე არ უცოცხლია, სულ ირღვეოდა. ახალი ის არის, რომ ოცნება 43%-ზე უარს ამბობს, რადგან იცის, ვერ აიღებს. ამიტომ, მოეშვით ამ პარლამენტს, არ შედგა ეგ პარლამენტი. გადავეშვათ არჩევნებში და მივაწვეთ ბოლომდე.
სხვა შემთხვევაში გეზი დაანონსებულია ჩრდილოეთისკენ. პარტნიორებიც ჩვენი მოქმედების მიხედვით იმოქმედებენ და არა – პირიქით.
წერს მოძრაობა დროას ლიდერი, საკრებულოს თავმჯდომარეობის საერთო ოპოზიციური კანდიდატი, ელენე ხოშტარია Facebook-ზე. 28 ივლისს საგანგებო ბრიფინგზე ქართული ოცნების ლიდერმა, ირაკლი კობახიძემ შარლ მიშელის შეთანხმება ანულირებულად გამოაცხადა და შეეცადა, რომ ამაში ოპოზიცია დაედანაშაულებინა. როგორც ხელისუფლების წარმომადგენლებმა თქვეს, ვალდებულებების შესრულება მათ “კეთილ ნებაზე” იქნება დამოკიდებული.