შეერთებული შტატების პრეზიდენტმა ჯო ბაიდენმა სახელმწიფო დეპარტამენტის მაღალი რანგის თანამდებობაზე ჯონ ბასის კანდიდატურა წარადგინა. ინფორმაციას თეთრი სახლი ავრცელებს. ბასი სახელმწიფო დეპარტამენტში პოზიციას, სავარაუდოდ, მენეჯმენტის მიმართულებით დაიკავებს.
ჯონ ბასი 2009-12 წლებში საქართველოში შეერთებული შტატების ელჩი იყო, მას შემდეგ დიპლომატი ელჩად თურქეთსა და ავღანეთში მუშაობდა. საერთო ჯამში ის უცხოეთში შეერთებული შტატების 7 მისიაში მსახურობდა და სახელმწიფო დეპარტამენტში მაღალი რანგის პოზიციები ეკავა.