დიდი შვიდეულის (G-7) ქვეყნების ელჩები უკრაინაში მიხეილ სააკაშვილს სტუმრობდნენ და ქვეყანაში მისი თაოსნობით ჩატარებული და დაგეგმილი რეფორმები განიხილეს, ასევე, მისგან მიიღეს ინფორმაცია უკრაინაში არსებული პოლიტიკური ვითარების შესახებ.
შეხვედრის ამსახველი ფოტოები მიხეილ სააკაშვილმა “ფეისბუქის” საკუთარ გვერდზე გამოაქვეყნა.
“ვენახში, სადაც დარგული მაქვს საფერავი, რომელმაც წელს პირველად გაიხარა, მივიღე დიდი შვიდეულის ელჩები, აშშ, კანადის, ინგლისის, ევროკავშირის, საფრანგეთის, იტალიის, გერმანიის, იაპონიის და ასევე უკრაინის მთავრობის რამდენიმე წევრი. ჩემთვის მნიშვნელოვანია, რომ ჩვენ შევძელით
რამდენიმე ძალიან მნიშვნელოვანი რეფორმების გატარება წინა დღეებში და ხვალ მზადდება ძალიან მნიშვნელოვანი რეფორმა”, – წერს მიხეილ სააკაშვილი.