სახალო დამცველი, ნინო ლომჯარია მიიჩნევს, რომ ნინოწმინდის პანსიონში მყოფ ბავშვებზე “მაინც მიმდინარეობს გარკევული ზეწოლა” და ისინი ამ სივრცეში საკუთარ ნებას თავისუფლად ვერ გამოხატავენ. ამ თემაზე მან ჟურნალისტებთან პანსიონში შესვლამდე ისაუბრა.
მართალია დატოვეს აღმზრდელების ნაწილმა დაწესებულება, რომლებზეც პირდაპირი ძალადობის სავარაუდო ფაქტებს მიუთითებდნენ ბავშვები, მაგრამ მიმაჩნია, რომ ამ კედლებში, ამ სივრცეში და იმ აღმზრდელების პირობებში ბავშვები თავისუფლად ვერ გამოხატავენ საკუთარ ნებას. ამიტომ არის ძალიან მნიშვნელოვანი, რომ ეს ბავშვები იყვნენ გადაყვანილნი ალტერნატიულ ზრუნვაში, ვინაიდან ვფიქრობ, რომ მაინც მიმდინარეობს მათ მიმართ გარკევული ტიპის ზეწოლა”, – თქვა ნინო ლომჯარიამ.
ომბუდსმენი ფიქრობს, რომ შესაძლოა ბავშვებმა პირველივე ჯერზე მათთან თავისუფლად ვერ ისაუბრონ, თუმცა სიტუაციას ფსიქოლოგებიც შეაფასებენ.
ნინო ლომჯარიას ინფორმაციით, უახლოეს მომავალში კიდევ რამდენიმე ბავშვის გაყვანა იგეგმება ალტერნატიულ ზრუნვაში. ამჟამად კი დაწესებულებაში 15 ბავშვი რჩება.
ნინო ლომჯარია ნინოწმინდის პანსიონში ცოტა ხნის წიმ მივიდა. ადგილზე იმყოფება მეუფე იაკობიც.