13 წლის მოზარდი, რომელიც თბილისში, აბაშიძის ქუჩაზე მდებარე საცხოვრებელი კორპუსის მეხუთე სართულიდან გადავარდა, ნია გოგიჩაიშვილია. “ოდიშინიუსი” ღრმა მწუხარებას გამოთქვამს მომხდარი ფაქტის გამო და სამძიმარს უცხადებს ოჯახს, ასევე საქართველოს ტექნიკური უნივერსიტეტის დეკანის მოადგილეს, პროფესორ ჯემალ გაბელიას – ნია მისი შვილიშვილია.
აივნიდან გადავარდნისთანავე ნია გოგიჩაიშვილი კლინიკაში გადაიყვანეს. მან რამდენიმე საათს იცოცხლა – ექიმებმა მისი გადარჩენა ვერ შეძლეს.
“საქართველოს ტექნიკური უნივერსიტეტი შეძრა იმ უმძიმესმა ტრაგედიამ, რაც პროფესორ ჯემალ გაბელიას ოჯახში დატრიალდა…მისი 13 წლის შვილიშვილი ნიჭიერი, წარმატებული ულამაზესი ნია გოგიჩაიშვილი გამაოგნებელმა ბრმა , ტრაგიკულმა შემთხვევამ იმსხვერპლა…უკან დარჩა ნიას განუხორციელებელი ოცნებები , ნათელი ხვალინდელი დღე…ის ხომ ჩვენი ქვეყნის მომავალი დღე იყო…ნათელი დაგადგეს ზეციურ საქართველოში უდროოდ გაფრენილო სიცოცხლევ, სადაც ყველაფერი შენი სულივით წმინდა და სპეტაკია…” – წერენ ნია გოგიჩაიშვილის ახლობლები “ფეისბუქზე”.