ეპიდემიოლოგები ხელისუფლებას კორონავირუსის გავრცელების “აჭარის საფრთხეზე” მიანიშნებენ და ვირუსის გავრცელების მორიგ პიკს აგვისტო-სექტემბერში ელოდებიან.
ინფექციონისტებისა და ეპიდემიოლოგების თქმით, განსაკუთრებით რთული მდგომარეობაა საზღვაო ზოლის კურორტებზე, უფრო კონკრეტულად კი აჭარის ზღვისპირეთში, რადგან იქ რეგულაციების დაცვა ძნელია ტურისტების სიმრავლის გამო. სპეციალისტები მოსახლეობას მოუწოდებენ, მაქსიმალურად დაიცვან დისტანცია, ატარონ პირბადე, ხშირად დაიბანონ ხელები, ხოლო ხელისუფლებას ურჩევენ, წინასწარ მოემზადონ იმისთვის, რომ შესაძლოა, აგვისტო-სექტემბერში საქართველო ახალი პიკის წინაშე აღმოჩნდეს.