ქუთაისში მომხდარი ტრაგედიის შესახებ ინფორმაციას “ფორტუნა” აქვეყნებს – კლინიკა “ბომონდში” 21 წლის გოგო გარდაიცვალა. ის ორსულად იყო, ექიმებმა ბავშვის გადარჩენა შეძლეს.
როგორც “ფორტუნას” კლინიკის ადმინისტრაციაში განუცხადეს, არასწორია ინფორმაცია, თითქოს გოგონა მშობიარობას გადაჰყვა.
“მშობიარობას არ გადაჰყოლია. ჰქონდა თანმხლები დაავადება, მძიმე მდგომარეობაში შემოიყვანა მეუღლემ, სასწრაფოდ ჩატარდა საკეისრო კვეთა”, – თქვეს კლინიკაში. მედიკოსთა თქმით, ჩვილი გადაყვანილია ახალშობილთა ინტენსიური თერაპიის პალატაში.