სომხეთში დღეს ვადამდელი საპარლამენტო არჩევნებია.

არჩევნებში 25 პოლიტიკური ძალა – 21 პარტია და 4 ალიანსი მონაწილეობს.

საარჩევნო უბნები ადგილობრივი დროით დილით 8:00 საათზე გაიხსნა. 2008 საარჩევნო უბნიდან 479 ერევანშია განთავსებული, 1529 – რაიონებში.

არჩევნებში მთავრობის ყველაზე დიდ ოპონენტად პარტიები “აყვავებული სომხეთი” და “გაბრწყინებული სომხეთი” ითვლებიან.

ქვეყნის ტერიტორიაზე უსაფრთხოების განსაკუთრებული ზომებია მიღებული. მიუხედავად ამისა, სომხური მედიის  ინფორმაციით დღეს დილით პრემიერმინისტრობის კანდიდატის, არმან ბაბაჯანიანის ავტომანქანა დაცხრილეს. ინციდენტი ადგილობრივი დროით 9:30 საათზე მოხდა. შემთხვევის დროს ბაბაჯანიანი ავტომანქანაში არ იმყოფებოდა.

სომხეთში ვადამდელი საპარლამენტო არჩევნები ნიკოლ პაშინიანმა ოპოზიციის მასშტაბური პროტესტის შემდეგ, ქვეყნის კრიზისიდან გამოყვანის მიზნით დაინიშნა