ქართული ოცნება ბორჯომში საგანგებო შეკრებას მართავს – აუდიენციის მასპინძელი პრემიერმინისტრი ირაკლი ღარიბაშვილია. სწორედ მასთან ერთად უნდა იმსჯელონ პარტიის ლიდერებმა და რიგითმა წევრებმა დღეს ქვეყნის განვითარების 10 წლიან გეგმაზე.
შეხვედრას დაესწრებიან მინისტრთა კაბინეტის წევრებიც. ფორმატი დახურულია და მას მედიის წარმომადგენლები ვერ დაესწრებიან.
”ქართულ ოცნებაში” კატეგორიულად უარყოფენ, რომ შეხვედრაზე განიხილება პარტიის ხელმძღვანელის პოსტზე ირაკლი კობახიძის ირაკლი ღარიბაშვილით ჩანაცვლება
ოპოზიციაში კი ამბობენ, რომ შევხედრის მთავარი საკითხი სწორედ ეს არის
,,ირაკლი ღარიბაშვილი იქამდე არ მოისვენებს, ვიდრეპარტიის თავმჯდომარე არ გახდება – აცხადებს ფრაქცია “ლელო – პარტნიორობა საქართველოსთვის” წევრი არმაზ ახვლედიანი. მისი თქმით, ღარიბაშვილისთვის, ივანიშვილის გარდა სხვა ხელმძღვანელი, წარმოუდგენელია
“ის ვერ აიტანს ვერც კობახიძეს და ვერც გახარიას იტანდა და ვერც ვერავის სხვას. შესაბამისად, ახლა არის ბრძოლის გადამწყვეტი ფაზა, რომ ჩაიგდოს ხელში პარტიული თანამდებობა და იგრძნოს თავი გაცილებით კომფორტულად და დაცულად”,- ამბობს არმაზ ახვლედიანი.
შეკრება ბორჯომში ორ დღეს გაგრძელდება.