“ერთიანი ნაციონალური მოძრაობის” თავმჯდომარე, ნიკა მელია ვაშინგტონში შეხვედრებს განაგრძობს. ამჯერად ის კონგრესმენებს შეხვდა – მათ შორის დევიდ პრაისს, რომელიც საქართველოსთან თანამშრომლობის ძალიან მნიშვნელოვანი ფორმატის თანათავმჯდომარეა. ასევე შეხვედრები გაიმართა გავლენიანი ამერიკული ორგანიზაციების – გერმანიის მარშალის ფონდის, კარნეგის ფონდისა და კენანის ინსტიტუტის წამყვან მკვლევარებთან.
ნიკა მელიასთან საუბარში მათ ხაზი გაუსვეს, თუ რამდენად დიდ პოტენციალს ხედავენ “ნაციონალური მოძრაობის” ახალი თაობის ლიდერებში და ხაზი გაუსვეს ნიკა მელიას, როგორც ოპოზიციურ ფონზე გამაერთიანებლის როლს.
“შეხვედრაზე საქართველოს მომავალზე ვრცლად ვისაუბრეთ, მან ნაციონალური მოძრაობის გეგმები და ხედვები გამიზიარა. ძალიან კარგად ამიხსნა თუ რა სიტუაციაა ახლა საქართველოში. ვაშინგტონში კონსესუსია მიღწეული, კონგრესმენები, სენატორები და საქართველოს მეგობრები თანხმდებიან, რომ პოლიტიკური ოპონენტის ციხეში ჩასმა დემოკრატიის პროცესისთვის ნამდვილად არ იყო სწორი”,- ამერიკის ყოფილმა ელჩმა ჯონ ტეფტმა.
ნიკა მელიამ აღნიშნა, რომ შეხვედრებზე მან კონგრესმენებს “ნაციონალური მოძრაობის” ახალფორმირებული გეგმა და გრძელვადიანი გეგმები გააცნო.