მთავარისიახლეებიეკონომიკანახევარი კილო პურის ფასი შესაძლოა 20-25 თეთრით გაძვირდეს

ნახევარი კილო პურის ფასი შესაძლოა 20-25 თეთრით გაძვირდეს

Published on

მიმდინარე წლის I ივლისიდან ხორბლის ფქვილის ფასის სუბსიდირების სახელმწიფო პროგრამა მთავრდება,მისი არგაგრძელების შემთხვევაშიც, პურის ფასი, შესაძლოა, 20-25 თეთრით გაიზარდოს.

13 იანვარს ცნობილი გახდა, რომ რუსეთი ხორბლის და სხვა მარცვლეულის ექსპორტზე კვოტებს აწესებდა და ფასებს ზრდიდა. თავის მხრივ, საქართველოში ხორბლის ექსპორტი თითქმის სრულად არის დამოკიდებული რუსეთში ხორბლის ახალი მოსავლის ფასზე.

მთავრობამ ფქვილის ფასის სუბსიდირება 2020 წლის დეკემბერში დაიწყო, რომელიც პურზე ფასების ზრდის შეჩერებას 4 თვით ისახავდა მიზნად და პროგრამისთვის 10 მლნ ლარამდე იყო გათვალისწინებული. ამ პროგრამის ფარგლებში წისქვილ-კომბინატებს პურის საცხობი საწარმოებისთვის 1 [50 კილოგრამიანი] ტომარა ხორბლის ფქვილის გაყიდვა მაქსიმუმ 53 ლარად შეუძლიათ. ყოველ ტომარაში სუბსიდიის თანხა, თავდაპირველად, 10 ლარი იყო, თუმცა საერთაშორისო ბაზარზე ხორბლის ფასის ზრდასთან და მეხორბლეების მოთხოვნასთან ერთად, სუბსიდიის თანხა ჯერ 15 ლარამდე, ხოლო შემდეგ 20 ლარამდე გაიზარდა და პროგრამა კიდევ 3 თვით, ივნისის ბოლომდე გახანგრძლივდა.

სექტემბერში ხორბლის ფასი იყო $200, დეკემბერში კი – $280, რაც საკმაოდ მაღალი ზრდა იყო და შესაბამისად, ფქვილის ფასი გაიზარდა 53 ლარიდან 68 ლარამდე. პირველი სუბსიდირება განხორციელდა ჯერ კიდევ დეკემბრის თვეში, იყო 10 ლარიანი სუბსიდირება, თუმცა, რადგან ფასმა მოიმატა, სუბსიდირება გახდა 15 ლარი, ახლა კი არის 20 ლარი”. –ამბობს ლევან სილაგავა, საქართველოს ხორბლისა და ფქვილის მწარმოებელთა ასოციაციის ხელმძღვანელი.

გაგრძელდება თუ არა სუბსიდირების პროგრამა, თვის ბოლომდე გახდება ცნობილი.

პურის ქარხნების მოლოდინით, შესაძლოა, პურის ფასი ნახევარ კილოზე 20-25 თეთრით გაძვირდეს, რადგან სუბსიდირებით პურზე არსებული ფასის შენარჩუნებას ვეღარ შეძლებენ, გამომდინარე იქიდან, რომ ფასები გაზრდილია ყველა იმ კომპონენტზე, რომელიც პურის ღირებულებას განსაზღვრავს, სულ სუბსიდირებაზე ყოფნა კი სახელმწიფოსთვის შეუძლებელი იქნება.

ეკონომისტების აზრით, გადასახადების შემცირების რესურსი საქართველოს აქვს და პირველ რიგში, საშემოსავლო გადასახადის შემცირება ბიზნესს მისცემს საშუალებას, რომ მიაღწიოს ეკონომიკურ წინსვლას და გაჩნდეს ახალი სამუშაო ადგილები. თუმცა, მთავრობა გადასახადების გადახედვის საჭიროებას ჯერჯერობით ვერ ხედავს და ფიქრობს, რომ ეკონომიკური ზრდა ამ ეტაპზე იმდენად მაღალია, რომ გადასახადები შემზღუდავ როლს არ შეიძლება ასრულებდეს.

სიახლეები

მოსამართლე გალუსტაშვილმა სინდისის 11 პატიმარი 2 წლით ციხეში გაუშვა

მოსამართლე ნინო გალუსტაშვილმა სინდისის 11 პატიმარს პატიმრობა მიუსაჯა. მან ბრალი 226-ე მუხლით (ჯგუფური მოქმედების ორგანიზება...

სამუდამო პატიმრობაც რომ მოგვისაჯოთ, იქაც თავისუფლები ვართ – ჯანო არჩაიას საბოლოო სიტყვა

თბილისის საქალაქო სასამართლოში, სადაც ჯგუფურ ძალადობაში ბრალდებული 11 პირის დასკვნითი პროცესი მიმდინარეობს, საბოლოო სიტყვით...

თავი აწიეთ და იარეთ ამაყად, სწორ მხარეს ვართ – ონისე ცხადაძის საბოლოო სიტყვა

აქციების დროს დაკავებული 11 პირის საქმეზე, თბილისის საქალაქო სასამართლოში დასკვნითი სხდომა მიმდინარეობს. ბრალდებულები მოსამართლეს...

ნუღა აიღებთ ისეთ საქმეებს, სადაც ასეთი ადამიანების ციხეში გაშვებაში იღებთ მონაწილეობას -ანდრო ჭიჭინაძე მოსამართლეებს

„ერთი რამ მაინტერესებს, ვერ ვხვდები, თუ ამ ადამიანებს არ დაუმტკიცდათ ორგანიზება ამდენი თვის განმავლობაში...