რამდენიმე საათი შეერთებული შტატებისა და რუსეთის პრეზიდენტების პირისპირ შეხვედრამდე.
ჯო ბაიდენი უკვე ჟენევაშია. მალე შვეიცარიაში ვლადიმერ პუტინსაც ელოდებიან. ორი ქვეყნის პირველი პირები ვაშინგტონი-მოსკოვის ურთიერთობებს განიხილავენ.
შეხვედრას საგარეო უწყების ხელმძღვანელები, ენტონი ბლინკენი და სერგეი ლავროვიც დაესწრებიან.
ამერიკული მედიის ინფორმაციით, ორი ქვეყნის ლიდერების შეხვედრა, სავარაუდოდ, 4-5 საათს გაგრძელდება. ეს პრეზიდენტის რანგში ჯო ბაიდენის ვლადიმერ პუტინთან პირველი პირისპირ შეხვედრაა.