“ტრიბუნის” ლიდერი დავით ჭიჭინაძე ამბობს, რომ 20 ივნისს რეზინის ტყვიების გამოყენების ბრძანება გიორგი გახარიას ნამდვილად არ გაუცია. ამასთან, ჭიჭინაძის თქმით, ირაკლი კობახიძე ცრუობს, თუმცა იგივე მეთოდებით “აფუჭებს” გახარიას, როგორც თავის დროზე, გახარიამ “გააფუჭა” ეკონომიკის მინისტრი და პრემიერი.
“მეთოდები ერთნაირი აქვთ”, – დასძენს დავით ჭიჭინაძე და 20 ივნისის ღამეს იხსენებს:
“კობახიძე იმ დროს ბაქოში იყო, მე გახარიასგან ერთი კიბის მოშორებით ვიდექი და ზუსტად მახსოვს, ვინც აქტიურობდა იმ დროს… შესაბამისად, ისიც ზუსტად ვიცი, რომ გახარია იძულებული გახდა პასუხისმგებლობა აეღო, თორემ ბრძანება მას ნამდვილად არ გაუცია”.