შუქრუთელებმა აშშ -ს საელჩოსთან შიმშილობა შეწყვიტეს

0
36

შუქრუთელებმა შიმშილობა შეწყვიტეს და კომპანია ჯორჯიან მანგანეზთან შეთანხმებას მიაღწიეს. პროტესტის მონაწილეები, მათ შორის, მოშიმშილეები უკვე სახლებში ბრუნდებიან.

“მოლაპარაკებები დასრულდა რამდენიმე წუთის წინ. შევთანხმდით კომპანიასთან არსებულ მოდელზე და გავამყარეთ ჩვენი შეთანხმება სამხარაულის ექსპერტიზის ჩართულობით და ხელმოწერის შემდეგ, რა თქმა უნდა, შევწყვიტეთ პროტესტის უკიდურესი ფორმა – შიმშილობა და სრულიად პროტესტი და ვბრუნდებით ჩვენს მშობლიურ სახლებში”. – ამბობს ერთ-ერთი შუქრუთელი მოშიმშილე.

კომპანია „ჯორჯიან მანგანეზის“ სპეციალური სახელმწიფო მმართველი ნიკოლოზ ჩიქოვანი შუქრუთელების შიმშილობის აქციის შეწყვეტასთან დაკავშირებით აღნიშნავს, რომ მხარეებს შორის მიღწეულია შეთანხმება, რომელიც ზიანის შეფასების პროცესში სამხარაულის ექსპერტიზის ბიუროს ჩართვას ითვალისწინებს.

მისი თქმით, შიმშილობის მონაწილე მესაკუთრეებთან გაფორმდა ინდივიდუალური ხელშეკრულებები, რაც ქონების ჩანაცვლების მეთოდს ეფუძნება, საკუთრების შენარჩუნების პირობით.

დაკმაყოფილებულია ასევე მოშიმშილეთა კიდევ ერთი მოთხოვნა, რაც ხელშეკრულების მხარედ „ჯორჯიან მანგანეზს“ გულისხმობს და არა მის კონტრაქტორ კომპანიას

წინა სტატიაTI ივანიშვილთან დაკავშირებული ოფშორული და ქართული კომპანიების შესახებ
შემდეგი სტატიალენტეხში მომხდარი სასტიკი მკვლელობის საქმეზე დაკავებულია 2 ადამიანი
ტელეკომპანია ოდიშის საინფორმაციო სამსახური