სენატორი პორტმანი: ბაიდენის ადმინისტრაციამ მტკიცედ უნდა დაუჭიროს მხარი უკრაინისა და საქართველოს ძალისხმევას მიაღწიონ ნატოს წევრობას

0
25

ამერიკელი სენატორი, რესპუბლიკელი რობერტ პორტმანი აცხადებს, რომ პრეზიდენტმა ჯო ბაიდენმა რუსეთის პრეზიდენტ ვლადიმირ პუტინთან შეხვედრისას მკაცრად უნდა დასვას საქართველოზე, უკრაინასა და ბელარუსზე რუსეთის ზეწოლის საკითხი. გამოცემა NPR-თან ინტერვიუში სენატორმა პორტმანმა თქვა, რომ ამ ქვეყნებზე რუსეთი ზეწოლას ახდენს როგორც სამხედრო ძალით, ისე დეზინფორმაციით და კიბერშეტევებით.

რობერტ პორტმანის განცხადებით, 21-ე საუკუნეში არსებობს ქვეყანა, რომელმაც სუვერენული საზღვრები დაარღვია, საქართველოს და უკრაინის ნაწილი დაიპყრო და ამ რაიონებში მილიტარიზაციას და ადამიანის უფლებათა დარღვევას განაგრძობს.

საქართველოს და უკრაინის მხარდამჭერი განცხადებები სენატორმა პორტმანმა 9 ივნისსაც გააკეთა სენატის საგარეო ურთიერთობათა კომიტეტში სახელმწიფო მდივნის, ენტონი ბლინკენის მოსმენისას. რობერტ პორტმანის თანახმად, აუცილებელია, რომ პრეზიდენტ ბაიდენის ადმინისტრაციამ მტკიცედ დაუჭიროს მხარი უკრაინის და საქართველოს ძალისხმევას, მიაღწიონ ნატოს წევრობას.

წინა სტატიასაქართველოში კორონავირუსით კიდევ 14 ადამიანი გარდაიცვალა
შემდეგი სტატია,,მშვიდობა მოგცეთ ღმერთმა” – კათალიკოს პატრიარქი ქვეყანას ქრისტეს ამაღლებას ულოცავს
ტელეკომპანია ოდიშის საინფორმაციო სამსახური