ზუგდიდში, ერთ-ერთ კომპაქტურ ჩასახლებაში მცხოვრები დევნილები ისევ სამმართველოსთან შეიკრიბნენ

0
19

ზუგდიდში კომბინატის შენობაში კომპაქტურად ჩასახლებული დევნილები დღეს ისევ დევნილთა სამმართველოს შენობასთან მივიდნენ. ისინი ხელმძღვანელი პირებისგან ითხოვენ პასუხს, თუ რატომ ვერ მოხვდნენ მიმდინარე ბინების განაწილებაში. ერთ კვირაზე მეტია, რაც კომბინატში მცხოვრები 10 ოჯახი სამმართველოს წარმომადგენლებისგან პასუხს უშედეგოდ ელოდება. რამდენიმე დღის წინ ისინი სამმართველოს ხელმძღვანელის კაბინეტშიც შეიჭრნენ. დევნილები ამბობენ, რომ არ აქვთ წყალი, სველი წერტილები და შუქი, რადგან შენობა ავარიულია და ინგრევა. მათივე თქმით, წვიმის დროს წყალი ჩადის რადგან შენობაში კარ-ფანჯარა არაა. სამხარაულის დასკვნის თანახმად, შენობა, რომელშიც ისინი ახალა ცხოვრობენ, დანგრევის პირასაა.იმის გამო, რომ შენობა რეაბილიტაციას არ ექვემდებარება და ინგრევა, ხელისუფლებამ 3 თვის წინ ელექტროსადენები გადაჭრა და იქ მცხოვრები ადამიანები უშუქოდ დატოვა. ერთადერთი, ვინც დევნილთა სამმართველოს კიბეებზე მყოფ ოჯახებთან მივიდა საპატრულო პოლიციაა. მათ განაცხადეს, რომ აღნიშნული უწყების თანამშრომლები რაიონებში მონიტორინგზე არიან წასული და ადგილზე არ იმყოფებიან.

წინა სტატია2020 წლის არჩევნებში შესწავლილი 3671 ამომრჩევლიდან 12% იყო “მკვდარი სული”
შემდეგი სტატიაჩვენ არჩევნებზე არათუ 43%-ს, არამედ 53%-ს ველოდებით
ტელეკომპანია ოდიშის საინფორმაციო სამსახური