UNICEF-ი მზად არის დაეხმაროს მთავრობას, დიდი ინსტიტუციებიდან ბავშვების ოჯახურ და თემზე დაფუძნებულ მზრუნველობაში გადაყვანაში. ამასთან, ორგანიზაციის განცხადებით, გამოძიება უნდა წარიმართოს ბავშვზე მორგებულად.
„ბავშვების მიმართ ნებისმიერი სახის ფიზიკურ თუ სექსუალურ ძალადობასთან დაკავშირებით მიმდინარე გამოძიება სწრაფად და ბავშვზე მორგებული პროცედურების დაცვით უნდა ჩატარდეს. შესაბამის საგამოძიებო პროცედურებში ჩართული ბავშვები დაცული უნდა იყვნენ: მათი ტრავმირება და ვიქტიმიზაცია ყველანაირად უნდა იქნას თავიდან არიდებული. აღნიშნულ პროცესში მათ უნდა მიეწოდოთ იურიდიული დახმარება და სრულად მიენიჭოთ ყველა სხვა საჭირო გარანტია“, – ნათქვამია იუნისეფის განცხადებაში. სადაც ასევე ვკითხულობთ, რომ ინსტიტუციებში მოთავსებულ ბავშვებს ძალადობის ან უდიერი მოპყრობის შესახებ ხმის მიწვდენის საშუალება უნდა ჰქონდეთ.