რეზო გაბრიაძე გარდაიცვალა. როგორც ოჯახი ამბობს,  მას გულის მწავე უკმარისობა  აწუხებდა და  კლინიკაში მკურნალობდა, მაგრამ ექიმების ძალისხმევა  გადაერჩინათ იგი,  უშედეგო აღმოჩნდა.

მხატვარი, თეატრისა და კინოს რეჟისორი და მწერალი  84 წლისა ხდებოდა.

რეზო გაბრაძე საკუთარი სპექტაკლების პიესის ავტორი, რეჟისორი, მხატვარი და მუსიკალური გამფორმებელი იყო, როგორ ცრეჟისორი ან სცენარისტი ავტორია 35-ზე მეტი ფილმისა,  რომელთა შორისაა: არაჩვეულებრივი გამოფენა , სერენადა , არ დაიდარდო , ქვევრი, ფეოლა , შერეკილები, მიმინო , ქინ-ძა-ძა და სხვა.

რეზო გაბრიაძის მხატვრული ნამუშევრები ევროპისა და ამერიკის შეერთებული შტატების მუზეუმებსა და კერძო კოლექციებშია დაცული, იგი იყო 50-ზე მეტი წიგნის ილუსტრაციის ავტორი.

1981 წელს რეზო გაბრიაძემ თბილისში მარიონეტების თეატრი დააარსა, რომელიც თბილისში, შავთელის ქუჩაზე , ანჩისხატის ბაზილიკის გვერდით მდებარეობს,  თეატრის პირველი სპექტაკლი „ალფრედი და ვიოლეტა“ იყო.

2010 წელს რეზო გაბრიაძის პროექტითა და უშუალო მონაწილეობით თბილისში მარიონეტების თეატრის გვერდით აშენდა უნიკალური საათის კოშკი. მისი ფასადი მოპირკეთებულია ათასობით შორენკეცით, რომლებიც მხატვრის ხელითაა მოხატული.