ყოფილი პრემიერმინისტრი გიორგი გახარია, რომელმაც დააფუძნა პოლიტიკური პლატფორმა “საქართველოსთვის”, აცხადებს, რომ ტელეკომპანია “იმედის” არყოფნა მის პრესკონფერენციაზე ამ ტელევიზიის პოლიტიკურად მართულობაზე მიანიშნებს.
“ზოგი ამბობს, რომ აი, გახარიას რომელი ტელევიზიები გააპიარებენ, იმის მიხედვით გავაკეთოთ დასკვნები და მიშა სააკაშვილის პროექტი არის თუ არაო და დღეს აქ “იმედი” არ არის. ეს იმის მიმანიშნებელია ჩემთვის და აჩენს ეჭვს, რომ “იმედი” პოლიტიკურად მართული ტელევიზიაა. მაშინ როცა ოთხი თვის წინ იმედის ყველა კარი ღია იყო ჩემთვის, ახლა ისინი აქ არ არიან”, – თქვა გიორგი გახარიამ.
შეგახსენებთ, გიორგი გახარიას მიერ მოწყობილ ბრიფინგზე პოსტ ტვ-სა და ტვ იმედის წარმომადგენლები არ მივიდნენ.