“ნაციონალური მოძრაობის” ერთ-ერთი ლიდერი ხატია დეკანოიძე განმარტავს, რატომ არ აწერს ხელს მედიატორების მხრიდან შემოთავაზებულ დოკუმენტს .
“პოლიტსაბჭოს გადაწყვეტილებით პარტია ხელს არ აწერს შარლ მიშელის დოკუმენტს, რადგან ამ დოკუმენტში არის ერთი ძალიან მიუღებელი საკითხი – ამნისტია, რომელიც თვითონ ნიკა მელიასთვისაც იყო მიუღებელი და მან ეს სასამართლო სხდომაზე არაერთხელ დააფიქსირა.
ასევე, დღევანდელ სხდომაზე ვისაუბრეთ მომავალ სტრატეგიაზე, როგორ უნდა შევიდეს პარტია ბრძოლის სტრატეგიაში, როგორ უნდა იყოს, რომ თვითმმართველობის არჩევნებზე, მიუხედავად იმისა, ვაწერთ თუ არა შეთანხმებას ხელს, 43 პროცენტი უზრუნველყოს ყველა პარტიამ, რომ “ქართულმა ოცნებამ” ვერ აიღოს. ამიტომ, ჩვენ ძალიან დიდი სამუშაო, დიდი ბრძოლა გვაქვს წინ.
რაც შეეხება პარლამენტში შესვლას მოხარული ვარ, რომ პარტიამ ეს გადაწყვეტილება მიიღო, რადგან ეს არის არამხოლოდ ჩვენი პარტიისთვის, არამედ ქვეყნისთვის მნიშვნელოვანი გადაწყვეტილება”, – განაცხადა დეკანოიძემ.
მან განმარტა, რომ ამ ეტაპზე დაზუსტებით უცნობია, როდის და რა ფორმით დაიწყებს პარტია საპარლამენტო საქმიანობას.