ფიზიკური შეხლა-შემოხლით დასრულდა სიტყვიერი დაპირისპირება თბილისში, სამიკიტნო “მაჭახელაში”, სადაც ოთხი ტურისტი დაცვის წევრებმა რესტორნიდან გააძევეს.
უცხოელი ტურისტები პერსონალს შეურაცხყოფას აყენებდნენ, რის შემდეგაც ინციდენტში დაცვა ჩაერია და მათ შენობა დაატოვებინა, თუმცა, დაპირისპირება გარე პერიმეტრზე გაგრძელდა, რის შემდეგაც საქმეში პოლიცია ჩაერია.
“სტუმრები შეურაცხყოფას გვაყენებდნენ, ბევრჯერ მოვუწოდეთ წესრიგისკენ. სამწუხაროდ, არ გაითვალისწინეს ჩვენი თხოვნა გადმოდიოდნენ შეურაცხყოფაზე და ჩვენი დაცვის წევრს მიაყენეს ფიზიკური შეურაცხყოფა, რა დროსაც ეს ინციდენტი მოხდა. შედეგად მოვიდა პოლიცია, ამოიღეს კამერის ჩანაწერები, ეს უცხოელებიც გადაიყვანეს”, – ამბობს რესტორნის მენეჯერი “მთავარ არხთან”.
საქმეზე დაწყებულია გამოძიება.