ბავშვის ფსიქოლოგის მიერ სასამართლოზე მიცემულმა ჩვენებამ კიდევ უფრო გაამყარა ძალადობის ბრალდება ნიკოლოზ ბასილაშვილის მიმართ – ამის შესახებ ჩოგბურთელის ყოფილი მეუღლის ნელი დოროყაშვილის ადვოკატმა დახურული სასამართლო პროცესის შემდეგ განაცხადა, სადაც ნიკოლოზ ბასილაშვილის ვაჟის ფსიქოლოგის ჩვენება მოისმინეს.
კიდევ ერთხელ დადასტურდა ის, რაც მან გამოძიებაში რეკომენდაციის, ცნობის სახით გასცა და ამავდროულად ბრალდების საფუძვლიანობა, რაც წარდგენილი აქვს ნიკოლოზ ბასილაშვილს კიდევ უფრო გაამყარა.
“კიდევ ერთხელ დადასტურდა ის, რაც მან გამოძიებაში რეკომენდაციის, ცნობის სახით გასცა და ამავდროულად ბრალდების საფუძვლიანობა, რაც წარდგენილი აქვს ნიკოლოზ ბასილაშვილს, კიდევ უფრო გაამყარა”– განაცხადა ნელი დოროყაშვილის ადვოკატმა ანა თავხელიძემ.
მანვე აღნიშნა, რომ მეორე ფსიქოლოგის ჩვენებამ, რომელიც ნელი დოროყაშვილის ფსიქო-ემოციურ მდგომარეობას ეხებოდა, დაადასტურა, რომ მუდმივი ზეწოლის შედეგად ეს უკანასკნელი განიცდიდა ფსიქოლოგიურ ტანჯვას.