გუმათში დაზიანებული რკინის ჯებირები პოლიციამ ჩაქუჩით გაასწორა

0
198

რკინის ჯებირები, რომლითაც პოლიციას გზა აქვს გადაკეტელი გუმათჰესთან, სამართალდამცველებმა ჩაქუჩით გაასწორეს. მანამდე შემთხვევის ადგილზე კრიმინალისტები მუშაობდნენ, ხოლო ჯებირების დაზიანებასთან დაკავშირებით გავრცელებულ განცხადებაში შსს-მ რიონის ხეობის მცველებს, რომლებიც ნამოხვანჰესის მშენებლობას ეწინააღმდეგებიან, პოლიციელთა კანონიერი მოთხოვნების დამორჩილებისკენ მოუწოდა.

საპროტესტო აქციის მონაწილეები, რომლებიც თბილისიდან რიონის ხეობაში გუშინ, საღამოს დაბრუნდნენ, რკინის ჯებირებს მუშტებს უბრახუნებდნენ, თუმცა, უწყების განცხადებაში აღნიშნულია, რომ ისინი ჯებირებს “ქვებსა და სხვა საგნებს” ესროდნენ, რის გამოც, სხვისი ქონების დაზიანების გამო, სისხლის სამართლის 187-ე მუხლის მიხედვით, გამოძიება დაიწყო.

ინტერპრესნიუსის ფოტო

წინა სტატიარა სანაძლეო მოუგო მერაბ კოსტავამ რომან გვენცაძეს – უცნობი ისტორია
შემდეგი სტატიაე.წ. მაყურებლები – ევროსაბჭოს ანგარიშში ქსნის ციხის იერარქია მოხვდა
ტელეკომპანია ოდიშის საინფორმაციო სამსახური