23 ფასიანი, ყალბი სანომრე ნიშანი 7 თვეში – ბათუმში ერთი პირი დააკავეს

0
1107

ფინანსთა სამინისტროს საგამოძიებო სამსახურმა ამხილა ბათუმში მცხოვრები პირი, რომელიც ყალბ, ფასიან სახელმწიფო ნომრებს ამზადებდა და ჰყიდდა.

უწყების ინფორმაციით, პირი ფასიან და ყალბ ნომრებს შვიდი თვის განმავლობაში ამზადებდა და სულ 23 სანომრე ნიშნის დამზადება მოასწრო.

“გამოძიებით დადგინდა, რომ დანაშაულში მხილებულმა პირმა ქ. ბათუმში, ერთ-ერთი კომპანიის მატერიალურ-ტექნიკური საშუალებების გამოყენებით, 2020 წლის ნოემბრიდან 2021 წლის მაისის ჩათვლით პერიოდში, დაამზადა და სხვადასხვა დაინტერესებულ პირზე გაასაღა ავტომანქანის ყალბი სახელმწიფო სანომრე ნიშნები”, – წერია უწყების განცხადებაში.

გამოძიება მიმდინარეობს საქართველოს სისხლის სამართლის კოდექსის 362-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 3-დან 6 წლამდე ვადით.

წინა სტატიასაქართველოში კორონავირუსით კიდევ 15 ადამიანი გარდაიცვალა, 1 354 ახალი შემთხვევა გამოვლინდა
შემდეგი სტატიაქუთაისში ტაქსის მძღოლები გაიფიცნენ
ტელეკომპანია ოდიშის საინფორმაციო სამსახური