ფშაველი-აბანო-ომალოს გზაზე უსიამოვნო ინციდენტი მოხდა: 47-ე კილომეტრზე მწყემსი სიმაღლიდან გადავარდა. მწყემსი ხევში მაშინ გადაიჩეხა, როცა ცხვარს მიერეკებოდა. მას სავარაუდოდ ფეხი დაუცდა, თუმცა, არის სხვა ვერსიაც: კაცი შეუძლოდ გახდა, წონასწორობა დაკარგა და ხევში გადაიჩეხა.
შემთხვევის ადგილას სამაშველო ჯგუფი ჩავიდა, რომელმაც დაშავებული ამოიყვანა. შუახნის კაცს სხეულის სხვადასხვა ადგილას მოტეხილობები და დაჟეჟილობა აღენიშნება.
დაშავებული სასწრაფო დახმარების ბრიგადამ თელავის საავადმყოფოში გადაიყვანა, მისი ჯანმრთელობის მდგომარეობის შესახებ დამატებით შეგატყობინებთ.