ნიკა მელიას სასამართლო პროცესი, რომელიც დღეს დღის 11 საათზე დაიწყო თბილისის საქალაქო სასამართლოში, დაცვის მხარის შუამდგომლობის საფუძველზე გადაიდო.
ბრალდების მხარე დღევანდელ სასამართლო სხდომაზე ვიდეომტკიცებულებების გამოკვლევას აპირებდა, დაცვის მხარემ კი მოსამართლეს უთხრა, რომ ისინი წინასწარ არ იყვნენ ინფორმირებულები იმის შესახებ, თუ კონკრეტულად რომელი მტკიცებულებების გამოკვლევას აპირებდა პროკურატურა სასამართლოზე, დაცვის უფლების სრულად განხორციელებისთვის კი ამ ინფორმაციის სხდომამდე ფლობა მნიშვნელოვანი იყო.
მოსამართლე ნინო ჩახნაშვილმა დაცვის მხარის შუამდგომლობა დაააკმაყოფილა და მომდევნო სხდომა 25 მაისს ჩანიშნა.
სხდომას არ ესწრებოდა “ერთიანი ნაციონალური მოძრაობის” თავმჯდომარე ნიკა მელია, რომელიც წინა სხდომაზე გააძევეს.