თბილისის საქალაქო სასამართლოში დღეს, “ნაციონალური მოძრაობის” თავმჯდომარის, ნიკა მელიას პროცესი გაგრძელდება. პროცესი ისევ ბრალდებულის გარეშე ჩაივლის, რადგან ნიკა მელია მოსამართლე ნინო ჩახნაშვილმა სასამართლო დარბაზიდან გააძევა.დღეს ბრალდების მხარის მტკიცებულებების გამოკვლევა პროკურატურის მოწმეების გამოკითხვით დაიწყება.
ნიკა მელიას ბრალი 20 ივნისის საქმეზე აქვს წაყენებული და მას ჯგუფური ძალადობის ორგანიზებასა და ხელმძღვანელობას ედავებიან. მელიას აღკვეთის ღონისძიების სახით შეფარდებული პატიმრობა, ევროკავშირის უპრეცედენტო გადაწყვეტილების შემდეგ შეეცვალა. ნიკა მელიამ ციხე 10 მაისს დატოვა.