პარტია “ლელომ” დამოუკიდებელ დეპუტატებთან, არმაზ ახვლედიანთან, სალომე სამადაშვილთან და შალვა შაგვულიძესთან ერთად საპარლამენტო ფრაქცია შექმნა. როგორც “ლელოს” ლიდერმა მამუკა ხაზარაძემ პარლამენტში გამართულ ბრიფინგზე განაცხადა, ფრაქციას “ლელო – პარტნიორობა საქართველოსთვის” ერქმევა. ფრაქციის სახელია “ლელო – პარტნიორობა საქართველოსთვის”. მისი თავმჯდომარე ლელოს გენერალური მდივანი, ბადრი ჯაფარიძე იქნება.
ეს პირველი ოპოზიციური საპარლამენტო ფრაქცია იქნება მე-10 მოწვევის პარლამენტში.
ფრაქცია ჯერჯერობით 7 წევრისგან შედგება, ესენია: მამუკა ხაზარაძე, ბადრი ჯაფარიძე, დავით უსუფაშვილი, ანა ნაცვლიშვილი, სალომე სამადაშვილი, შალვა შავგულიძე და არმაზ ახვლედიანი. თუმცა, ფრაქციის თავმჯდომარემ, ბადრი ჯაფარიძემ განაცხადა, რომ მისი გაფართოების მოლოდინი აქვს
“ეს ფრაქცია იქნება იმის გარანტია, რომ ჩვენი მოქალაქეების ხმა იქნას ძალიან ხმამაღლა წარდგენილი საქართველოს უმაღლეს ორგანოში. ეს ფრაქცია იქნება გარანტორი და ინიციატორი იმ ეკონომიკური საკითხების მოგვარებაში და სისტემურ გადატვირთვაში, რომელიც ასე მძაფრად დგას ჩვენი თითოეული მოქალაქის წინაშე. ეს ფრაქცია იქნება გარანტორი იმისა, რომ ევროატლანტიკური კურსი იქნება უწყვეტი და მხარდაჭერილი ამ ფრაქციის მიერ, იმ პერსპექტივით, რომ ჩვენ ძალიან მალე უნდა გავხდეთ ამ ევროატლანტიკური სტრუქტურების სრულუფლებიანი წევრი”, — განაცხადა მამუკა ხაზარაძემ ფრაქციის წარდგენისას.
სალომე სამადაშვილის განცხადებით, დღეს ჩვენი ქვეყნის პოლიტიკურ ისტორიაში, ახალი მნიშვნელოვანი ეტაპი იწყება., როგორც სამადაშვილი ამბობს, ფრაქციის ყოველდღიური დღის წესრიგი იქნება, რომ მმართველ გუნდს არ მისცენ საშუალება შარლ მიშელის დოკუმენტით გათვალისწინებული, რომელიმე პუნქტი არ შეასრულოს. ,,ერთად უნდა მოვემზადოთ იმისთვის, რომ ადგილობრივ არჩევნებში “ქართული ოცნება” დამარცხდეს” – განაცხადა მან..
.