“ძალა ერთობაშია – გაერთიანებულ ოპოზიციაში” შემავალი პარტია “პროგრესი და თავისუფლების” ერთ-ერთი ლიდერი ცეზარ ჩოჩელი აცხადებს, რომ ნიკა მელიას თბილისის მერობის კანდიდატობის შემთხვევაში, მისი პარტია მხარს დაუჭერს 

ცეზარ ჩოჩელი კახა ოქრიაშვილთან ერთად დღეს საპატიმროში შეხვდა ენმ-ს ლიდერს, სწორედ ამ პერიოდში გაირკვა, რომ ევროკავშირმა მელიას გირაო ჩარიცხა.

“ჩვენ ცალსახად მხარს დავუჭერთ ნიკა მელიას თუ ის, რა თქმა უნდა, მოისურვებს მერობის კანდიდატად დადგომას. ჩვენ ზოგადად, წარმოგვიდგენია ნიკა მელია არათუ მერობის კანდიდატად. ნიკა მელია არის უალტერნატივო ერთიანი ოპოზიციის ლიდერად”, – ამბობს ჩოჩელი.

მისივე თქმით, ნიკა მელიას მთავარ ამოცანას ოპოზიციიის გაძლიერება და გაერთიანება წარმოადგენს. ჩოჩელი ამბობს, რომ ნიკა მელია საპატიმროს დატოვების შემდეგ კონსულტაციებს გამართავს ოპოზიციურ სპექტრთან და მხოლოდ ამის შემდეგ მიიღებს გადაწყვეტილებას, იქნება თუ არა თბილისის მერობის კანდიდატი.