საქართველოს ყოფილი პრემიერ-მინისტრი გიორგი გახარია დღეს პირველად გამოჩნდა ფართო საზოგადოებაში გადადგომიდან გასული საკმაოდ დიდი პაუზის შემდეგ – დღეს იგი კახი კავსაძის სამოქალაქო პანაშვიდზე მივიდა და მედიის ყურადღება მიიპყრო,,თუმცა უპასუხოდ დატოვა მის მიმართ ჟურნალისტების მიერ დასმული ყველა კითხვა
ოფიციაურად არ გავრცელებილა ინფორმაცია, რომ გახარია მაისში პარტიის დდამფუძნებელი შეკრების გამართვას გეგმავს. როგორც ჩანს იგი ამ ეტაპზე თავისი გუნდის დაკომპლექტებით არის დაკავებული.
ამ დღეებში მის გუნდს კიდევ ერთი წევრი შეემატა – ექსპერტი უსაფრთხოების საკითხებში გიორგი გოგუაძე ახალ პოლიტიკურ ძალაში ერთ-ერთ მნიშვნელოვან მიმართულებას უხელმძღვანელებს.
“მიმდინარეობს პარტიის მშენებლობის აქტიური პროცესი, ეც ვუხელმძღვანელებ ერთ-ერთ მნიშვნელოვან მიმართულებას.
ჩვენთვის მნიშვნელოვანია, რომ ამ ვიწრო პოლიტიკური პროცესების მიღმა დავინახოთ თუ რა უჭირს საქართველოს თითოეულ მოქალაქეს და ჩვენი ხედვით და სტრატეგიით შევთავაზოთ საქართველოს მოქალაქეებს ის გამოსავალი, რომელთაც ისინი ყოველდღიურად ხედავენ.
აი ამ პოლარიზაციის და პოლიტიკურ პროცესებში გამორჩენილი არის საქართველოს მოქალაქე. ჩვენი პარტიის და ჩვენი გუნდის ხედვა არის სწორედ ის, რომ საქმეზე ორიენტირებით, კონკრეტული გეგმების, ამოცანების დასახვით, მისი შესრულებით ამ პრობლემების გადაჭრაში ჩავერთოთ”, – განაცხადა გიორგი გოგუაძემ ტელეკომანია ფორმულას ეთერში