ევროპარლამენტის ვიცე-პრეზიდენტის ჰაიდი ჰაუტალას მხარდაჭერა იმ არასამთავრობოებს, რომლებიც ნამახვანჰესის საკითხზე მუშაობენ. ფინელმა პოლიტიკოსმა და მწვანეების წევრმა ჰესის წინააღმდეგ პროტესტის მონაწილეების მხარდასაჭერი გზავნილი ტვიტერის საკუთარ გვერდზე დაწერა.
“მხარს ვუჭერ საქართველოს მწვანეებს და ადგილობრივ არასამთავრობო ორგანიზაციებს, რომლებიც დასავლეთ საქართველოში ნამახვანი ჰესის მშენებლობას აპროტესტებენ”, – წერს ევროპარლამენტარი.
შეგახსენებთ, რომ რიონის ხეობის მცველების მიერ მთავრობისთვის მიცემული ვადა დღეს, 23 აპრილს იწურება. ისინი პასუხს პრემიერმინისტრისგან ელოდებიან, ადგილობრივ მოსახლეობას 3 მოთხოვნა აქვს, რომელთა შესრულების შემდეგაც დიალოგის განახლებას დათანხმდებიან.