ეს არის არსებული ჩიხიდან ნაყოფიერი გამოსვლისკენ მიმავალი მნიშვნელოვანი ნაბიჯი-ნაჩო სანჩე

0
115

ევროპარლამენტარი ნაჩო სანჩეს ამორი „ქართული ოცნების“ მხრიდან გაჟღერებულ ინფორმაციას მიესალმება, რომ პარტია კრისტიან დანიელსონის მიერ წარდგენილ დოკუმენტს ხელს აწერს.

„ბოლოს და ბოლოს კარგი ამბავია საქართველოდან. არჩილ თალაკვაძემ განაცხადა, რომ „ქართული ოცნება“ მხარს უჭერს ევროპული საბჭოს დესპანის მიერ წარდგენილ შეთანხმებას. ეს არის არსებული ჩიხიდან ნაყოფიერი გამოსვლისკენ მიმავალი მნიშვნელოვანი ნაბიჯი. იმედი ვიქონიოთ, რომ ამ ნაბიჯს სხვა დაინტერესებული მხარეებიც მიყვებიან“, – წერს ევროპარლამენტარი „ტვიტერზე“.

შეგახსენებთ, რომ „ქართულმა ოცნებამ“ ევროკავშირისა და ევროპული საბჭოს პრეზიდენტის შარლ მიშელის ეგიდით შექმნილ დოკუმენტს, რომელიც ევროპული საბჭოს პრეზიდენტის სპეციალურმა წარმომადგენელმა საქართველოში კრისტიან დანიელსონმა წარადგინა, ხელი მოაწერა.

წინა სტატიადანიელსონის დოკუმენტზე “ოცნების” ხელმოწერას ევროპას და აშშ-ში ეხმაურებიან
შემდეგი სტატიამარგველაშვილის სიძეს მინდია გოგოჭურს 4 წლით თავისუფლების აღკვეთა მიესაჯა
ტელეკომპანია ოდიშის საინფორმაციო სამსახური