საქართველოს პრემიერმინისტრის, ირაკლი ღარიბაშვილის განცხადებით, NATO-სთან შეთანხმებული გრაფიკით, ავღანეთს ქართული ქვედანაყოფებიც დატოვებენ.

“საქართველოს, მრავალი წელია, ღირსეული წვლილი შეაქვს მსოფლიო უსაფრთხოების უზრუნველყოფაში. ჩვენი მებრძოლები აქტიურად მონაწილეობენ NATO-სა და ევროკავშირის ეგიდით მიმდინარე სამხედრო ოპერაციებსა და მისიებში. საქართველო პირველად 2004 წელს ჩაერთო და ბოლო ათი წლის განმავლობაში უწყვეტად მონაწილეობდა ავღანეთში მიმდინარე ნატო-ს მისიაში. ჩვენი ქვეყანა RSM-ის მისიის ერთ-ერთი უმსხვილესი კონტრიბუტორია. 860 ქართველი სამხედრო დღესაც მსახურობს ავღანეთში NATO-ს კონტიგენტის შემადგენლობაში”, — ამბობს ის.

ღარიბაშვილის თქმით, ინტენსიური კონსულტაციები აქვთ ამერიკასთან და ავღანეთიდან ქართული კონტიგენტის გამოსვლაც მათთან კოორდინაციით მოხდება.

“საქართველოსთვის, როგორც საერთაშორისო თანამეგობრობის წევრისთვის, უაღრესად მნიშვნელოვანია, რომ ავღანეთი აღარასდროს გახდეს ტერორისტების თავშესაფარი და ვამაყობთ, რომ საკუთარი წვლილი შევიტანეთ ამ მიზნის მიღწევაში. დიდ მადლობას ვუხდი თითოეულ ქართველ სამხედროს, ვინც სხვადასხვა პერიოდში ამ ურთულეს და საპასუხისმგებლო მისიაში მონაწილეობით ღირსეული წვლილი შეიტანა საქართველოს ევროატლანტიკური ინტეგრაციის პროცესში”, — თქვა მან.

NATO-მ მიიღო გადაწყვეტილება, ავღანეთის მისიის ეტაპობრივად, მიმდინარე წელს დასრულების შესასებ. როგორც უცხოური მედია წერს, აშშ-ს პრეზიდენტი, ჯო ბაიდენი გეგმავს, რომ ავღანეთიდან ჯარები სექტემბრისთვის გამოიყვანოს.დროა მუდმივი ომი დასრულდეს”, — განაცხადა მან.