მდინარე ენგურში 7 აპრილს ოთხ დაღუპულთაგან, ცოლ-ქმარს ჯონი გვალიას და მაყვალა გამისონიას, დღეს მშობლიურ ოკუპირებულ სოფელ წარჩეში დაკრძალავენ. “ოდიშინიუსს” გარდაცვლილის მეზობელი უყვება, რომ იმ დღს ენგურზე გადასვლას კიდევ რამდენიმე ადამიანი ცდილობდა, თუმცა, ისინი უკან დაბრუნდნენ:
“”ეს ოთხი წინ მიდიოდა, თაგილონთან და უკვე შამგონის საზღვარზე მდინარე ენგურის სიღრმე დაბალია,პირველად ხომ არ გადმოჰყავდა მდინარეში დაღუპულ თამაზ ბასლანძეს ეს ადამიანები… მან ეს გზა მშვენივრად იცოდა და რას იფიქრებდნენ, ეს სავოდავები წყალი რომ უსწრაფესად მოიმატებდა და ამათ გაიტაცებდა. იმ სამმა,რომლებიც მათგან მოშორებით იყვნენ,გაუმართლათ. მათ ეხლაც ჩაესმით მდინარეში ჩავარდნილი ოთხი ადამიანის განწირული ხმა,რომლებიც შველას ითხოვდნენ”, – ამბობს ის. მდინარე ენგურის ტრაგედიას 4 ადამიანის სიცოცხლე 7 აპრილს ემსხვერპლა. ეს ადამიანები სხვადასხვა საჭიროებისთვია რისკის ფასად ე.წ. ფონით გადმოდიოდნენ, რადგან წელიწადზე მეტია ენგურის ხიდი ჩაკეტილია და იქიდან კონტროლირებად ტერიტორიაზე გადმოსულებს 5 დღიანი კარანტინის გავლა უწევთ.