ფოთში, მეტალურგიულ ქარხანაში ორი მუშა დაშავდა. მუშები საბურავს აყენებდნენ, რა დროსაც მექანიზმის ნაწილი დაზიანდა და გასკდა.
მთავარი არხი სცნობით, ერთ-ერთმა მუშამ დაზიანება თავის არეში მიიღო და მისი მდგომარეობა მძიმეა. თავდაპირველად ის სენაკში, არქიმედეს კლინიკაში გადაიყვანეს, თუმცა მას შემდეგ, რაც მდგომარეობა გართულდა, ქუთაისში, unical medi-ში გადაიყვანეს. დაშავებული ხელოვნური სუნთქვის აპარატზეა შეერთებული.
მეორე მუშამ დაზიანება სახის არეში მიიღო, მხედველობის პრობლემა აქვს და მკურნალობას თბილისში, თვალის კლინიკაში გააგრძელებს.
საქმეზე მოკვლევა სსკ-ის 170-ე მუხლით დაიწყო, რაც შრომითი უსაფრთხოების ზომების დარღვევას და გაუფრთხილებლობით ჩადენილ დანაშაულს გულისხმობს.