ჯერ პარტია შექმნას და მერე ვილაპარაკოთ მის შესაძლებლობებზე… – განაცხადა ქართული ოცნების დეპუტატმა სოზარ სუბარმა პალიტრანიუსის ეთერში პასუხად კითხვაზე,რამდენად შეძლებს ყოფილი პრემიერი გიორგი გახარია ძლიერ მოთამაშედ დაიმკვიდროს თავი ქართულ პოლიტიკაში.
,,რა თქმა უნდა, ზოგადად გაცილებით უკეთესი იქნება ქვეყნისთვის, რომ გახარია იყოს ოპოზიცია და არა ნაციონალური მოძრაობა და სხვა კრიმინალები, რომლებსაც ადამიანების სისხლში აქვს ხელი გასვრილი და რომლებმაც დააკანონეს წამება საქართველოში, რომლებმაც გაყიდეს საქართველოს ტერიტორიები, გარეჯი კმარა ამისთვის…
გაჩნდა ეჭვი, ეს ხომ არ არის ქართული ოცნების თამაში, ბიძინა ივანიშვილის პროექტი, ეს ნამდვილად ასე არ არის, შემიძლია, ამაში დავარწმუნო ყველა, ქართული ოცნება არის ძლიერი გუნდი, ბიძინა ივანიშვილის ძალა სწორედ ის არის, რომ მან შექმნა გუნდი, რომელშიც არის ძალიან ბევრი ლიდერი, ვიღაცის წასვლა, ვიღაცის შემოსვლა ამ გუნდში რყევებს არ იწვევს, ეს გუნდი სტაბილურად მეცხრე წელია იგებს ყველა არჩევნებს, იგებს ყოველგვარი გაყალბების გარეშე და იგებს სწორედ თავისი ერთგული მხარდამჭერების იმედად, ასე რომ თუ ოპოზიცია არ მოეგება გონს და არ შემოვა პარლამენტში, გამოჩნდებიან ძალები, ვინც მის ადგილს დაიკავეენ, იქნება ეს გახარია თუ იქნება სხვა ვინმე”