მთავარისიახლეებისამართალიცენტრ პოინტის საქმეზე მსრჯავდებულმა რუსუდან კერვალიშვილმა საპატიმრო დატოვა

ცენტრ პოინტის საქმეზე მსრჯავდებულმა რუსუდან კერვალიშვილმა საპატიმრო დატოვა

Published on

ცენტრ პოინტის საქმეზე მსრჯავდებულმა რუსუდან კერვალიშვილმა საპატიმრო დატოვა. მან ოთხწლიანი სასჯელი სრულად მოიხადა.

“მე ჩემი გული დავტოვე სასჯელაღსრულების დაწესებულებაში, იმიტომ, რომ იქ იყო ჩემი და, მაია რჩეულიშვილი ჯერჯერობით კიდევ პატიმრობაშია. პირველი ემოცია, რა თქმა უნდა, თავისუფლების ფასი არაფერი არ არის. აქ თავისუფლებას ვგრძნობდი ჩიტების ფრენით, იმიტომ, რომ აქ არის ძალიან ბევრი ჩიტი და ყველაზე მეტად, თავისუფლებას იგრძნობ, როდესაც აი, ხედავ, რა ბედნიერებაა, როდესაც ადამიანს აქვს თავისუფლების შეგრძნება. 

ერთი სინანული მაქვს, რომ ის ადამიანები, რომლებიც ძალიან გვენდნენ ჩვენ, წლების განმავლობაში დაზარალდნენ ჩვენთან ერთად. სამწუხაროდ, ჯერ კიდევ არ მოხერხდა, რომ პრობლემა დასრულდეს, მიუხედავად იმისა, რომ 5 წელია, მაია აქ არის და მე 4 წელია. მაგრამ ახლა, როგორც იმედი მოგვეცა ჩვენ, რომ იწყება მშენებლობა, იწყება ერთ თვეში, მერიასთან ერთად და ჩვენი ამოცანა ერთია, ყველა ადამიანი ბედნიერი იყოს და შევიდნენ თავიანთ ბინაში. მარტო ამის შემდეგ ვიქნებით მართლა თავისუფლები და მართლა ბედნიერები”. – თქვა რუსუდან კერვალიშვილმა თავის პირველ კომენტარში საპატიმროს დატოვების შემდეგ.

კერვალიშვილი სასამართლომ 2017 წლის 31 მარტს დამნაშავედ ცნო და 4 წლით თავისუფლების აღკვეთა მიუსაჯა. მას ბრალი თაღლითობისა და თანხების მითვისების მუხლით ჰქონდა წარდგენილი.

კომპანია ცენტრ პოინტის საქმე რამდენიმე ეპიზოდს მოიცავს. გამოძიება კერვალიშვილს ამხანაგობა თაბუკაშვილი 88-ის კუთვნილი 11 მილიონზე მეტი ლარის მითვისებას ედავებოდა.

გამოძიების ვერსიით, ამხანაგობა თაბუკაშვილი 88-ის წევრების მიერ 2004-2009 წლებში ამავე ამხანაგობის წევრების ბინათმშენებლობისათვის მოიზიდეს 27 701 299,13 აშშ დოლარი, მათ შორის უშუალოდ მენაშენეების შენატანები შეადგენდა 23 380 000 აშშ დოლარის ექვივალენტს ლარში.

სიახლეები

ვანო ნადირაძე თბილისის ზღვის სასაფლაოზე დაკრძალეს

უკრაინაში დაღუპული ქართველი მებრძოლი თბილისის ზღვის სასაფლაოზე დაკრძალეს - ვანო ნადირაძე უკანასკნელ გზაზე ოჯახის...

პატიმრობა ჯარიმის გადაუხდელობის შემთხვევაში – ადმინისტრაციულ კოდექსში ცვლილებები შედის

ქართული ოცნების პარლამენტს ადმინისტრაციულ სამართალდარღვევათა კოდექსში დამატებითი ცვლილებები შეაქვს. ცვლილების საბოლოოდ დამტკიცების შემთხვევაში, ადამიანს ადმინისტრაციული...

ვულოცავთ დანიას ევროკავშირის საბჭოს თავმჯდომარედ დანიშვნას… მედი გვაქვს თქვენი ურყევი მხარდაჭერის-ზურაბიშვილი

სალომე ზურაბიშვილი დანიას ევროკავშირის თავმჯდომარედ დანიშვნას ულოცავს და იმედს გამოთქვამს, რომ დანია საქართველოს ევროპულ...

ოცნება სასამართლო სხდომებზე აუდიოჩანაწერების გაკეთებასაც ზღუდავს

ოცნება სასამართლო სხდომებზე აუდიოჩანაწერების გაკეთებასაც ზღუდავს. ამის შესახებ რიგგარეშე პლენარულ სხდომაზე ივანიშვილის დეპუტატმა, არჩილ...