ამერიკის შეერთებული შტატების საელჩო საქართველოში აცხადებს, რომ TV პირველის ირგვლივ განვითარებულ მოვლენებს ყურადღებით აკვირდებიან. ამის შესახებ მათ ოფიციალური განცხადება გამოაქვეყნეს და აღნიშნეს, რომ გამოძიების პრიორიტეტად უნდა დარჩეს ჟურნალისტის უფლება, დაიცვას წყარო.
“ჩვენ ყურადღებით ვაკვირდებით ტელეკომპანია პირველის გარშემო განვითარებულ მოვლენებს, კერძოდ, სამართალდამცავებსა და მედიის წარმომადგენლებს შორის ურთიერთობას. ამ გამოძიების ჩატარებისას პრიორიტეტად უნდა დარჩეს კანონის უზენაესობის დაბალანსებული, მიუკერძოებელი გამოყენება და მედიის თავისუფლების ფუნდამენტური პრინციპი — ჟურნალისტების უფლება, დაიცვან თავიანთი წყაროები.
საიდუმლო ჩანაწერები, ისევე როგორც დაშინება ან დევნა არის უკანონო და დასაგმობი და გამოძიებული უნდა იქნას კანონის შესაბამისად. ჩვენ მოვუწოდებთ ყველა ჩართულ მხარეს პროფესიონალურად და თავშეკავებით მიუდგნენ ამ სიტუაციას. სასამართლო სისტემა უნდა მუშაობდეს სამართლიანად და მიუკერძოებლად და არ უნდა იქნას ბოროტად გამოყენებული პოლიტიკური მიზნების მისაღწევად შერჩევითი სამართლებრივი დევნის გზით”, — წერია განცხადებაში.