მთავარისიახლეებისაზოგადოებაუახლოეს დღეებში ამირან გამყრელიძის თანამდებობიდან გადაყენება იგეგმება

უახლოეს დღეებში ამირან გამყრელიძის თანამდებობიდან გადაყენება იგეგმება

Published on

დღეს, პირველ მარტს გავრცელდა ინფორმაცია, რომ უახლოეს დღეებში ამირან გამყრელიძის თანამდებობიდან გადაყენება იგეგმება.

სტრატეგია აღმაშენებელის ერთერთი ლიდერი სერგო ჩიხლაძე ამბობს, რომ კულუარული ინფორმაცია ამის შესახებ უკვე 1 კვირაა, აქვთ.

“განიხილება ამირან გამყრელიძის პენსიაზე გაშვების საკითხი. ბევრი მისი მიდგომა არის მოძველებული და დაუსაბუთებელი, იგივე შეზღუდვებთან დაკავშირებით, სააკორდინაციო საბჭოში მისი საქმიანობა, ასევე, არაერთი საეჭვო შესყიდვები, მათ შორის დაავადებათა კონტროლის ცენტრის მიერ განხორციელებული. გადაწყვეტილია თუ არა, არ ვიცი, კულუარული ინფორმაცია 1 კვირა გვაქვს, რომ ეს განიხილება”, – განაცხადა ჩიხლაძემ.

ვრცელდება ასევე ინფორმაცია, რომ დილის 10 საათიდან მთავრობის ადმინისტრაციაში იმყოფებიან ამირან გამყრელიძე, პაატა იმნაძე, ეკატერინე ტიკარაძე და თამარ გაბუნია. უცნობია, რა საკითხზე დაიბარეს ისინი კანცელარიაში. 

.დაავადებათა კონტროლის ეროვნული ცენტრის დირექტორი, ამირან გამყრელიძე მის გადადგომასთან დაკავშირებით გავრცელებულ ინფორმაციას არ ადასტურებს.

“ვმუშაობ ჩვეულ რეჟიმში”, – განუცხადა მან მედიას

,,მე ვერ დავადასტურებთ ვერანაირ პოზიციურ ცვლილებას ბატონ ამირანთან მიმართებაში”, – განაცხადა ჯანდაცვის მინისტრის მოადგილემ თამარგაბუნიამ. 

კითხვას – არის თუ არა დაპირისპირება ამირან გამყრელიძესა და ჯანდაცვის მინისტრ ეკატერინე ტიკარაძეს შორის, გაბუნიამ უპასუხა, რომ ვერც ამ ინფორმაციას დაადასტურებს.

“ჩვენ გვაქვს ძალიან საქმიანი, კონსტრუქციული ურთიერთობა. ვერანაირ დაპირისპირებაზე ინფორმაციას მე ვერ დავადასტურებ”,- განაცხადა თამარ გაბუნიამ.

სიახლეები

აქციაზე დაკავებულების ოჯახის წევრები ბრიუსელში ჩავიდნენ

"თავისუფლების ხმა ციხიდან ევროპის დედაქალაქში” - აქციებზე დაკავებულების ოჯახის წევრები საქართველოს სხვადასხვა რეგიონში გამართული...

პირველი შეხვედრა რუსეთის სპეცწარმომადგენელთან, სავარაუდოდ, ძალიან მალე იქნება – კობახიძე

 ირაკლი კობახიძემ განაცხადა, რომ რუსეთის საგარეო საქმეთა მინისტრის მოადგილესთან ურთიერთობები აქტიურად გაგრძელდება და პირველი...

ჩვენ ვცდილობთ საქართველოს მთავრობასთან მუშაობას, ვიწვევთ, მაგრამ სურვილი არ აქვთ ჩამოსვლის – მარტა კოსი

გაფართოების საკითხებში ევროკომისარი, მარტა კოსი საქართველოს ხელისუფლების გადაწყვეტილებას გამოეხმაურა. საუბარია დაკავშირებადობის მინისტერიალზე ქართული მხარის არ...

უკრაინულმა დარტყმებმა რუსეთის ნავთობგადამამუშავებელი სიმძლავრეების 55%-ზე მეტი უკვე შეაჩერა – ზელენსკი

უკრაინის პრეზიდენტის, ვოლოდიმირ ზელენსკის განცხადებით, უკრაინული ძალების იერიშების შედეგად, რუსეთის ნავთობგადამამუშავებელი სიმძლავრეების ნახევარზე მეტმა...