აქტივისტებმა ზუგდიდის შესასვლელთან ბანერი გამოფინეს

0
1362

ზუგდიდის შესასვლელთან, რკინიგზის ხიდზე აქტივისტებმა ბანერი გამოფინეს წარწერით ” თბილისის თავზე წითელი დროშა ფრიალებს. გაუმარჯოს საბჭოთა საქართველოს. ბ.ივანიშვილი 2021″. მათი თქმით, 2021 წელს, ქართველი იუნკერების დაღუპვიდან 100 წლისთავზე ზუსტად იგივენაირად ვითარდება მოვლენები, როგორც ეს 1921 წლის თებერვალში, საქართველოს გასაბჭოების დროს იყო. 1921 წლის 23 თებერვალს საბჭოთა რუსეთის წითელი არმიის წინააღმდეგ კოჯორ-ტაბახმელასთან გამართულ ბრძოლაში ახალგაზრდა იუნკერები დაიღუპნენ, რომელთა ასაკი 20-25 წელი იყო. რუსეთ-საქართველოს 1921 წლის ომის თებერვლის ხუთდღიან ბრძოლებში თბილისის სამხედრო სკოლის იუნკერებმა, თავი მამაცური ბრძოლით ისახელეს და სამშობლოს დასაცავად თავი გაწირეს.

იუნკერების ხსოვნის დღეს კი დღეს დილით ნაცონალური მოძრაობის” ოფისში სპეცრაზმი შეიჭრა, მათ დაამტვრიეს კარები და ძალის გამოყენებით დააკავეს ნიკა მელია. სპეცრაზმმა ე.წ. წიწაკის სპრეი გამოიყენა, რის გამოც ოფისში მყოფი მოქალაქეები დაშავდნენ. ფაქტს ევროპელი დიპლომატების მხრიდან მკაცრი შეფასებები მოყვა.

წინა სტატიაქართული ოცნება დღეს იმაზე მწარედ დამარცხდა, ვიდრე ოქტომბრის საპარლამენტო არჩევნებში – მიხეილ სააკაშვილის კიდევ ერთი ვიდეომიმართვა ქართული ოცნებას
შემდეგი სტატიამელია მელიას გათავისუფლებას მოითხოვს
ტელეკომპანია ოდიშის საინფორმაციო სამსახური