პარლამენტის შენობის წინ, რუსთაველზე სამოქალაქო აქტივისტები დააკავეს. ისინი პარლამენტის უკანა შესასვლელიდან შენობის წინამდებარე ტერიტორიისკენ დაიძრნენ და კარვის გადატანას პარლამენტის შენობის წინ აპირებდნენ, მაგრამ ამის საშუალება პოლიციამ არ მისცა.
მოძრაობა საქართველოსთვის”, უკვე რამდენიმე თვეა, საპროტესტო აქციებს პარლამენტის უკანა შესასვლელთან მართავს, სადაც კარავი ჰქონდათ გაშლილი. ისინი არჩევნების გაყალბებას აპროტესტებენ. დღეს აქტივისტებმა კარვის გადატანა პარლამენტის შენობის წინ სცადეს, რასაც სამართალდამცველებთან დაპირისპირება მოჰყვა.,
ამ დროისთვის არსებული ინფორმაციით, დაკავებულია რვა აქტივისტი, მათ შორის, გიორგი მუმლაძე, რომელსაც, აქტივისტების თქმით, ფიზიკურად გაუსწორდნენ. ერთერთი მათგანი დაკავებისას შეუძლოდ გახდა. თუმცა პოლიცია ამბობს, , რომ ყველა დაკავებულთან მიმართებაში, კანონის შესაბამისად იმოქმედეს.
“მოძრაობა საქართველოსთვის” წევრები ამბობენ, რომ კარავი პოლიციელებმა მოიპარეს. მათი თქმით, კარვის გაშლა კანონით არ იკრძალება და პოლიციის მოქმედებები, რითაც ისინი კარვის გაშლას ეწინააღმდეგებიან, კანონიერ საფუძველს მოკლებულია. . გიორგი მუმლაძემ, დაკავებამდე იქ შეკრებილ პოლიციელებს წაუკითხა ამონარიდი “შეკრებისა და მანიფესტაციის შესახებ” საქართველოს კანონიდან.
“რუსთაველის გამზირს დღემდე არ ახსოვს, აქ კარვის გაშლა პრობლემა ყოფილიყო”, – ამბობს ერთერთი აქტივისტი
დაპირისპირება ამ დრომდე გრძელდება. სამართალდამცავები ამ წუთებში ლევან ხაბეიშვილს ურჩევენ საქმეს
პარლამენტის მიმდებარე ტერიტორიაზე დიდი რაოდენობით სამართალდამცველთა რაზმებია მობილიზებული.
.
“