ე.წ. კარტოგრაფების საქმეზე დაკავებულების გათავისუფლების შემდეგ საპატრიარქოს მიერ გაკეთებულ განცხადებას გამოეხმაურა რელიგიის ასოციაცია
როგორც განცხადებაშია ნათქვამი, საპატრიარქო ახლა ცდილობს ნატალია ილიჩოვას და ივერი მელაშვილის დისკრედიტაციას, რაც საგამოძიებო პროცესს მნიშვნელოვნად უშლის ხელს.
რელიგიის ასოციაცია სასულიერო პირებს და საპატრიარქოს მოუწოდებს, რომ ნუ გააკეთებენ რადიკალურ განცხადებებს. “განცხადების შინაარსზე ზედაპირული დაკვირვებითაც კი ნათლად სჩანს, რომ საქართველოს საპატრიარქო ამ საქმეში გვევლინება დაინტერესებულ მხარედ, რომელიც ცდილობს მოახდინოს ხისტი და აგრესიული ზეწოლა სახელმწიფო სტრუქტურებზე. […] ამავე დროს, საქართველოს საპატრიარქოს ადმინისტრაციის თანამშრომლები თუ მათთან ასოციებული პირები, სასულიერო პირებთან ერთად ახდენენ ივერი მელაშვილისა და ნატალია ილიჩოვას დემონიზებასა და დისკრედიტაციას, რაც ხელს უშლის გამოძიების ობიექტურად და დაუბრკოლებლად წარმართვას.
მოვუწოდებთ საქართველოს საპატრიარქოს, თავი შეიკავოს საზოგადოების მაპროვოცირებელი განცხადებისაგან და დააცხროს ეგზლატირებულად განწყობილი სასულიერო პირები, რომლებიც “გარეჯი საქართველოა” – ს ხშირ შემთხვევაში ფარისევლური შეძახილებით იფარგლებიან, თუმცა კი საპატრიარქოს მმართველი აპარატის მსგავსად, არასდროს არ რეაგირებენ არც რუსეთის ეკლესიის მიერ საქართველოს ოკუპირებული ტერიტორიებზე საქართველოს მართლმადიდებელი ეკლესიის უძველესი ეპარქიების მითვისებისა და გელათის სამონასტრო კომპლექსის ამჟამინდელ, უმძიმეს მდგომარეობაზე”, – აღნიშნულია განცხადებაში.