თბილისის საქალაქო სასამართლოს გარდაწყვეტილებით, ე.წ. კარტოგრაფების საქმეზე დაკავებული ნატალია ილიჩოვასა და ივერი მელაშვილის აღმკვეთი ღონისძიება – პატიმრობა გირაოთი შეეცვალათ. სასამართლომ მათ 20-20 000-ლარიანი გირაო შეუფარდა. ივერი მელაშვილი და ნატალია ილიჩოვა გათავისუფლდნენ, მათ გირაოს გადასახდელად 30 დღის ვადა აქვთ.
სასამართლომ ასევე დააკმაყოფილა შუამდგომლობა ივერი მელაშვილის მიერ თანამდებობის დატოვებასთან დაკავშირებით.
პროკურატურამ პროცესზე თითოეული ბრალდებულისთვის 30-30 000-ლარიანი გირაო მოითხოვა,ასევე, მათი თქმით, ბრალდებულებს გაფრთხილების გარეშე საზღვრის გადაკვეთის საშუალება არ უნდა მიეცეთ. დაცვის მხარე პროცესზე აღნიშნულ შუამდგომლობას არ ეთანხმებოდა, ისინი ბრალდებულების აღკვეთის გარეშე გათავისუფლებას ითხოვდნენ.