ხობის ცენტრალურ პარკში,საახალწლო გარეგანათების ნათურები მოიპარეს. ამის შესახებ ხობის მოხალისეთა ჯგუფში დაიწერა. “91 ნათურა, რომ ჩამოხსენი და წაიღე იცი ალბათ, რომ ყველამ ,,დაგლოცეთ”. ბოქვენის ტკიპა ხარ, 90-იანების ბნელში გაზრდილი და ამ ეპოქალური ,,სიბნელის” გამგრძელებელი… იმედია მოგარგებენ ნათურას საკუთარ ,,პატრონაზე’, – წერენ ხობის მოხალისეთა ჯგუფში. ხობის მინიციპალიტეტის მერიაში შპს კეთილმოწყობისა და გარენანათების ცენტრის დირექტორის ნერუ ბუკიას თქმით, დეტალებს არკვევენ. “მე ზუსტად ვერ გეტყვით რამდენი ნათურაა ჩამოხსნილი… ყოველ ას მეტრში გვაქვს 400-მდე ნათურა. სამი დღის წინ დავიწყეთ საახალწლო დეკორაციების მოხსნა პარკის ტერიტორიიდან. როგორც თანამშრომლებმა მითხრეს საუბარია 30 ნათურაზე,თუმცა ვითვლით. შეიძლება ზოგიც ადგილზე გადაიწვა. გავერკვევით,სწორედ ამ პროცესში ვართ ახლა”,-აცხადებს ბუკია. მისივე განმარტებით,თუ აღრიცხვის შემდგომ მნიშვნელოვანი გარეგანათების ნათურები დააკლდებათ, რეაგირებისთვის შესაბამის ორგანოებს მიმართავენ.