მთავარისიახლეებისამართალიკასპის თავდასხმაში ბრალდებულმა წინასწარი დაკავების იზოლატორში შიმშილობა დაიწყო

კასპის თავდასხმაში ბრალდებულმა წინასწარი დაკავების იზოლატორში შიმშილობა დაიწყო

Published on

კასპის თავდასხმაში ბრალდებულმა გიორგი მენაბდიშვილმა გორის წინასწარი დაკავების იზოლატორში შიმშილობა დაიწყო. ბრალდებული უარს ამბობს ადვოკატთან შეხვედრაზეც. 

შეგახსენებთ, რომ გუშინ, 16 იანვარს, 27 წლის გიორგი მენაბდიშვილი კასპში სპეცოპერაციის დროს დააკავეს და მას  გამოძიება მძევლების აყვანას ედავება.

შინაგან საქმეთა მინისტრის მოადგილის თქმით, მენაბდიშვილი საწარმოში დილით ცეცხლსასროლი იარაღით შეიჭრა, მოგვიანებით კი,   შსს-სგან მოითხოვა მანქანა, რომლითაც იგი საქართველოს ტერიტორიის დატოვებას და რუსეთის მიმართულებით გადაადგილებას აპირებდა. 

ცნობილი ხდება, რომ მენაბდიშვილს დავა ჰქონდა ზემოხსენებულ ქვის საწარმოს მეწილეებთან. შინაგან საქმეთა მინისტრის მოადგილის, ვლადიმერ ბორცვაძის თქმით, მენაბდიშვილის მიმართ მუქარის ფაქტზე პოლიციაში გამოძიებაა დაწყებული, ვინაიდან ოჯახის ინფორმაციით, მას ბიზნეს-პარტნიორები ემუქრებოდნენ.

გიორგი მენაბდიშვილის ოჯახის წევრების თქმით, ახალგაზრდა მამაკაცმა დანაშაული მხოლოდ საკუთარი ოჯახის დასაცავად ჩაიდინა, რადგან ის სიტუაციიდან სხვა გამოსავალს ვერ ხედავდა. “ამ ბავშვმა ეს საქმე იმიტომ ჩაიდინა, რომ პოლიციის ყურადღება მიექცია. ის არც ფულს ითხოვდა, არაფერს, ის ითხოვდა, რომ სიცოცხლე გადაერჩინათ მისი ოჯახის. ფიქრობდა, რომ იქნებ მე რომ წავალ ცოლ-შვილს თავი დაანებონო. ძალიან შეშინებული იყო”, – ამბობს გიორგი მენაბდიშვილის ოჯახის წევრი. 

მენაბდიშვილი წარსულში პოლიციის სისტემაში მუშაობდა. ოჯახი ირწმუნება, რომ ქვის საწარმოში თავად მენაბდიშვილი 10-პროცენტიან წილს ფლობს.

სიახლეები

საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი – დანიგანი

საქართველოში ჩემი გულის ნაწილს ვტოვებ და სამუდამოდ ვიქნები ქართველი ხალხის ნამდვილი მეგობარი - ამის...

დაკავებული ირაკლი ბათიაშვილი მოჰყავდათ და მამამისის პანაშვიდზე იდგა მთელი დღე – ნუცა ბათიაშვილი

„თავისუფალი უნივერსიტეტის“ სამაგისტრო და სადოქტორო პროგრამების დეკანი ნუცა ბათიაშვილი სოციალურ ქსელში იხსენებს, რომ როცა...

“როგორ გძინავთ ღამე ამდენი ხალხის ცოდვით!” – თბილისში დაღუპულის დისშვილი კახა კალაძესა და მერიას მიმართავს

"დეიდაჩემი ტონიანი სინკარების ქვეშ მოყვა და ადგილზე გარდაიცვალა, ყინვასა თუ სიცხეში იდგა დღეში 20...

ოკეანეში შვეულმფრენის ჩავარდნის შემდეგ, აშშ-ში ქართველ მეცნიერს ეძებენ

ამერიკის შეერთებულ შტატებში მოღვაწე ქართველი მეცნიერი, ბიოლოგი ცოტნე ჯავახიშვილი შვეულმფრენით ოკეანეში ჩავარდა. როგორც სოციალურ...