აშშ-ის წარმომადგენელთა პალატამ მხარი დაუჭირა რეზოლუციას, რომელიც მაიკ პენსს პრეზიდენტის გადაყენებისკენ მოუწოდებს

0
323

აშშ-ის წარმომადგენელთა პალატამ მხარი დაუჭირა რეზოლუციას, რომელიც მაიკ პენსს 25-ე შესწორების ამოქმედების გზით პრეზიდენტის გადაყენებისკენ მოუწოდებს, – ამის შესახებ ინფორმაციას Reuters-ი ავრცელებს.

სააგენტოს ცნობით, რეზოლუციის სასარგებლოდ ხმა პალატის 223-მა წევრმა მისცა, წინააღმდეგი კი 205 წავიდა.

რეზოლუცია ვიცე-პრეზიდენტ მაიკ პენსს მოუწოდებს, „დაუყოვნებლივ გამოიყენოს 25-ე შესწორების მე -4 ნაწილით გათვალისწინებული უფლებამოსილება, მოიწვიოს და მოახდინოს მთავრობის აღმასრულებელი დეპარტამენტების მთავარი ოფიცრების მობილიზება კაბინეტში, რათა განაცხადონ ის, რაც აშკარაა: რომ პრეზიდენტს არ შეუძლია თანამდებობით დაკისრებული მოვალეობების წარმატებით შესრულება.“

მანამდე ცნობილი გახდა, რომ ვიცე-პრეზდენტმა მაიკ პენსმა წარმომადგენელთა პალატის სპიკერს, ნენსი პელოსის წერილი გაუგზავნა, სადაც აღნიშნულია, რომ ის 25-ე შესწორების ამოქმედების გზით პრეზიდენტ დონალდ ტრამპის თანამდებობიდან გადაყენების წინააღმდეგია. „არ მიმაჩნია, რომ მოქმედების ასეთი კურსი ჩვენი ერის საუკეთესო ინტერესს წარმოადგენს ან ჩვენს კონსტიტუციას შეესაბამება ”, – წერს პენსი.

რამდენიმე დღის წინ ნენსი პელოსიმ განაცხადა, რომ თუკი ვიცე-პრეზიდენტი უარს იტყოდა 25-ე შესწორების ამოქმედებაზე, მაშინ წარმომადგენელთა პალატა პრეზიდენტს იმპიჩმენტს გამოუცხადებდა.

წინა სტატიამართვის მოწმობის მისაღები გამოცდების ჩატარება 1-ელი თებერვლიდან აღდგება
შემდეგი სტატიამაიკ პენსი დონალდ ტრამპის თანამდებობიდან გადაყენების წინააღმდეგია
ტელეკომპანია ოდიშის საინფორმაციო სამსახური