ზუგდიდის ბოტანიკური ბაღი ვიზიტორებისთვის ორი დღით დაიკეტა და არ იმუშავებს. ამის შესახებ ინფორმაციას ბაღის ადმინისტრაცია ავრცელებს. მათი თქმით, მიზეზი ძლიერი ქარია. აქვე განმარტეს, რომ მოქალაქეთა უსაფრთხოების მიზნით მიიღეს ეს გადაწყვეტილება და ბაღი ვიზიტორებისთვის დროებით, 4-5 იანვარს დაეხურება. ბოტანიკურ ბაღში რამდენიმე გამხმარი, დაზიანებული ხეა, რის გამოც, ძლიერი ქარის დროს აქ გადაადგილება სახიფათოა. ბაღში ამ დღეებში ათამდე გამხმარი მცენარის მოჭრა შესაბამისი კომისიის დასკვნის საფუძველზე იგეგმება.