გორში, ტანსაცმლისა და შერეული საქონლის ბაზრობაზე გაჩენილი ხანძარი ლიკვიდირებულია. ინფორმაციას ამის შესახებ საგანგეობო სიტუაციების მართვის სამსახური ავრცელებს. ხანძრის შედეგად არავინ დაშავებულა.
უწყებაში ამბობენ, რომ მათი დახმარებით, მოვაჭრეებმა შეძლეს გასაყიდი პროდუქციის ბაზრის ტერიტორიიდან უსაფრთხო ადგილას გატანა და ხანძრისგან გადარჩენა.
“არსებობდა, ცეცხლის გვერდით მდგარ შენობებზე გავრცელების საფრთხეც, თუმცა მეხანძრე-მაშველების დროული რეაგირების შედეგად მოხერხდა ბაზრის მნიშვნელოვანი ნაწილის გადარჩენა”, — აცხადებენ უწყებაში.
მათივე ინფორმაციით, ნახანძრალი ტერიტორის დამუშავება და მონიტორინგი მთელი ღამის განმავლობაში უწყვეტ რეჟიმში მიმდინარეობდა.
საგანგებო სიტუაციების სამსახურში ასევე აღნიშნავენ, რომ ადგილზე 15 სახანძრო-სამაშველო ჯგუფი მუშაობდა.
გორში, წმინდა წყლის ბაზრობაზე ხანძარი გუშინ, 30 დეკემბერს გაჩნდა. გამოძიება საქართველოს სისხლის სამართლის კოდექსის 188-ე მუხლის მეორე ნაწილით დაიწყო