1 იანვრიდან მოსახლეობისთვის ელექტროენერგია 3.5 თეთრით, ხოლო კომერციული სექტორისთვის 11-12 თეთრით ძვირდება. საყურადღებოა, რომ ეს დროებითი ტარიფია და 1 იანვრიდან, 6 თვით იმოქმედებს. გრძელვადიანი ტარიფები კი, 2021 წლის ივლისამდე დადგინდება.

სემეკის თავმჯდომარე დავით ნარმანია ელექტროენერგიის ახალი ტარიფით აღძრულ უკმაყოფილებას ეხმიანება. ,,სემეკს რომ კომპანიების მაქსიმალურად ყველა ხარჯი და ყველა წარმოდგენილი პროექტი გაეთვალისწინებინა, ტარიფიმინიმუმ 1.5-ჯერ მეტი იქნებოდა

მისი მტკიცებით, სემეკი “ობიექტური აუცილებლობიდან გამოვიდა” და არ გაცდა დადგენილ წესებს, პრინციპებს.

“აქედან გამომდინარე, ამ ეტაპისთვის, ჩემი აზრით, მივიღეთ ოპტიმალური გადაწყვეტილება.მხოლოდ აუცილებელი პროექტები დავტოვეთ, რომელიც ელექტროენერგიის უსაფრთხო და ხარისხიანი მიწოდების უზრუნველსაყოფად არის აუცილებელი.. – ამბობს დავით ნარმანია

პრემიერმინისტრის, გიორგი გახარიას თქმით,საქართველოს მთავრობა 2021 წელს სრულად დაუსუბსიდირებს დღევანდელ ტარიფსა და გაზრდილ ტარიფს შორის სხვაობას იმ აბონენტებს, რომლებიც თვეში 300 კილოვატამდე ელექტროენერგიას მოიხმარენ. ასევე, 50%-ით დაუსუბსირდებათ  სხვაობა საკვები პროდუქტების მწარმოებელ ადგილობრივ კომპანიებს.