ჟურნალისტი ჯულიეტა ვაშაყმაძე გარდაიცვალა. ამის შესახებ ნიკა გვარამია საკუთარ ფეისბუქგვერდზე დაპოსტა. პირველი არხის ცნობით, ჟურნალისტის გარდაცვალებას მისი ოჯახი ადასტურებს.

“ჩვენი გაბუს და ჩვენი დათას, და ქართული ჟურნალისტიკის დედა გარდაიცვალა. დიდი ჯულიეტა ვაშაყმაძე აღარ არის”, — წერს ნიკა გვარამია.

ჯულიეტა ვაშაყმაძემ ჟურნალისტური საქმიანობა 1956 წლიდან დაიწყო. 2013 წელს ტელევიზიის დაარსების 57 წლისთავთან დაკავშირებით, საქართველოს პირველმა არხმა მთაწმინდის პარკში, თბილისის ანძის სიახლოვეს საპატიო ვარსკვლავი გაუხსნა ტელევიზიის პირველ წამყვანებს, მათ შორის, ჯულიეტა ვაშაყმაძეს

ცნობილი ქართველი ტელეწამყვანი ჯულიეტა ვაშაყმაძე 87 წლის ასაკში გარდაიცვალა.